Elordalyq oqýshy matematıka olımpıadasynyń irikteýinde jeke reıtıngide birinshi boldy
NUR-SULTAN. QazAqparat - Elordalyq oqýshy EGMO halyqaralyq Eýropalyq matematıka olımpıadasynyń irikteý kezeńine qatysyp, eń joǵary nátıje kórsetti, dep habarlaıdy QazAqparat qalalyq bilim basqarmasyna silteme jasap.
Qyzdarǵa arnalǵan Eýropalyq matematıka olımpıadasy (EGMO) 10 jyl ishinde keńinen tanyldy. 2020 jyly epıdemıologııalyq jaǵdaıǵa baılanysty olımpıada qashyqtan ótkizildi jáne oǵan álemniń 25 elinen oqýshylar qatysty.
«Bul olımpıadaǵa Qazaqstan 2017 jyldan beri qatysyp keledi jáne osy olımpıadaǵa qatysqan úsh jyl ishinde bizdiń elimiz 2 altyn, 3 kúmis jáne 5 qola medal jeńip aldy. Aıta ketý kerek, ótken úsh jylda Qazaqstan komandasynda eki oqýshy elorda mektepteriniń ókilderi edá.
«Astana daryny» ortalyǵy daryndy balalardy anyqtaý jáne qoldaý maqsatynda ótkizetin zııatkerlik olımpıadalarda osyndaı kishkentaı juldyzdar tanylady.
Solardyń biri - №9 «Zerde» mamandandyrylǵan mektebiniń oqýshysy Dılnaz Ýálıeva 2019 jáne 2020 jyldary altyn jáne qola medal ıegeri atandy, daryndy Dılnaz matematıka boıynsha kóp eńbek etti.
Bıyl Dılnaz kóktemgi mereke qarsańynda, 6-8 naýryzda ótkizilgen qyzdarǵa arnalǵan Eýropalyq matematıkalyq olımpıadaǵa (EGMO-2021) irikteý baıqaýynyń barlyq qatysýshylary arasynda jeke reıtıngide birinshi bolyp ótti.
Dılnaz komanda quramynda EGMO olımpıadasynda Qazaqstannyń namysyn qorǵaıdy.
