Elordalyq muqtaj otbasylarǵa azyq-túlik sebetteri tabystaldy

NUR-SULTAN. QazAqparat - Qaıyrymdylyq estafetasy aıasynda kásipkerler, eriktiler, qoǵam qaıratkerleri, ártister men túrli uıymdar soǵys jáne tyl ardagerlerine, muqtaj otbasylarǵa azyq-túlik jıyntyǵyn jetkizýde. Bul týraly QazAqparat elorda ákimdiginiń resmı saıtyna silteme jasap habarlaıdy.

Ánshi Ardaq Balajanova 30 ıgi is aktsııasyna qatysqanyma qýanyshty ekendigin jetkiizdi. Merekede tórt ul, eki qyzdyń anasy Nurzııa hanymmen qaýyshyp otyrmyz. Qaıyrymdylyq jasaýǵa asyǵaıyq. Mereke qutty bolsyn!», - deıdi ol.

«30 ıgi is» aktsııasy barysynda qatysýshylar jalǵyz basty zeınetkerlerge aýlalarynan qar shyǵarýǵa, úı ishin tazalaýǵa, kómir jetkizýge, úısiz janýarlarǵa arnalǵan baspanalarǵa kómek kórsetip keledi. Sonymen qatar, eriktiler kommýnaldyq qyzmet qyzmetkerlerine ystyq shaı men baýyrsaq taratqan bolatyn.

Eske sala keteıik, Qazaqstan Táýelsizdiginiń 30 jyldyǵyna oraı elordada «30 ıgi is» uranymen áleýmettik jáne qaıyrymdylyq is-sharasy ótýde. Bul estafetadaǵy eń basty maqsat – qala men turǵyndar úshin ıgi is jasaý.

Qala turǵyndary estafetaǵa qosylyp, aktsııa aıasynda óz akkaýnttarynda #Meıirimdibolýádet, #Dobrotaobrazjıznı #Modnobytdobrym heshtegimen aqparat nemese vıdeo jarııalaı alady.