Elordalyq múgedektigi bar cherlıderler Eýropa chempıonatynda el namysyn qorǵaıdy
NUR-SULTAN. QazAqparat – Reseıde ótken halyqaralyq cherlıderler saısynda astanalyq bıshiler 1-oryndy ıelendi. Endi 2020 jyly jerlesterimiz Eýropa chempıonatynda Qazaqstan namysyn qorǵaıdy, dep habarlaıdy QazAqparat tilshisi.
«Bizdiń bı tobymyzǵa 1 jyl ǵana boldy. Quramynda 15 adam bar, onyń 7-i Reseıde ótken cherlıder baıqaýyna qatysty. Komandaǵy balalardyń jastary ártúrli eń kishisi 7-de bolsa, eń úlkeni 20-da. Barlyǵy da erekshe kútimdi talap etedi jáne dıagnozdary ártúrli. Saıysta Reseıden kóp komanda qatysty, biz ózimizdi joǵary deńgeıde kórsete bildik. Biraq biz bunymen toqtap qalmaýymyz kerek. Sebebi alda Eýropa chempıonaty, osy jarystyń jeńimpazy retinde biz halyqaralyq cherlıderler qaýymdastyǵynan 2020 jyly Italııada ótetin Eýropa chempıonatyna shaqyrtý aldyq. Sondyqtan alda qyzý daıyndyq kútip tur», - dedi astanalyq «Iskra» bı tobynyń jattyqtyrýshysy Olga Kýrakına.
Onyń aıtýynsha, bul jarysqa erekshe balalar 3 aıdan astam ýaqyt daıyndalǵan.
«Daıyndyq óz nátıjesin berip 1 oryn aldyq. Saıys birneshe nomıtsııadan turdy. Biz jeke jáne toptyq qurammen de óner kórsettik. Buǵan deıin bizdiń balalar elordada ótken qalalyq saıysqa qatysty. Balalar bul saıysqa demeýshilerdiń qoldaýymen bardy», - dedi ol.
Jeńimpazdardy elordanyń vokazalynan ata-analarymen men týystary kútip aldy.
«Maǵan jarysqa qatysqan unady. Bımen aınalysqanyma 1 jyl boldy. Maǵan cherlıder bolǵan unaıdy, buǵan deıin de osy sııaqty saıystarǵa qatysqanmyn. Biz jarystyń arasynda qala aralyp, kvest oınadyq, men qýanyshtymyn», - deıdi «Iskra» bı tobynyń 12 jasar múshesi Kamılla Aıdyn.
