Elordalyq múgedek jandar taksımen tegin qatynaýǵa múmkindik aldy
ASTANA. Shildeniń 12-si. QazAqparat /Marlan Jıembaı/ - Búgin elordada «Sábı» jeke qaırymdylyq qory «Qazaqstan múgedekter konfederatsııasy» RQB-na arbaǵa tańylǵan múgedek jandardy tasymaldaý úshin arnaıy jabdyqtalǵan 4 ınvataksılerdi syıǵa tartty.
Osylaı astanalyq 435 múgedek qalanyń kez kelgen núktesine tegin qatynaýǵa múmkindik aldy.
Eki jyl buryn osyndaı qaıyrymdylyq sharalardy bastaǵan «Sábı» qorynyń vıtse-prezıdenti Oksana Ermashovanyń atap ótýinshe, búgingi tańda elimizdiń 9 qalasynda ınvataksıler qyzmet kórsetedi. Taıaý arada múgedek jandar úshin taǵy 3 qalada osyndaı ıgilikti is qolǵa alynbaq.
«2 jyldan astam ýaqyt ishinde qor 35 avtomobıl satyp alyp, Qazaqstan qalalaryndaǵy múgedekter qoǵamdaryna berdi. «Folksvagen» markili bundaı arnaıy jabyqtalǵan kóliktiń quny 1,5 mıllıon dollar turady. Olardyń árqaısysy kóterip, túsiretin arnaıy qurylǵymen jáne kólik salonynda arbanyń nyq turýy úshin qajetti jabdyqpen qamtylǵan», dep atap ótti ol óz sózinde.
Atalǵan sharaǵa qatysqan Astana qalalyq jumyspen qamtý jáne áleýmettik baǵdarlamalar basqarmasynyń bastyǵy Alma Altybaevanyń atap ótýinshe, qazirgi ýaqytta elordada 15200-den astam múmkindigi shekteýli jandar tirkelgen. Onyń 435-i arbaǵa tańylǵan adamdar.
Qalalyq kólik basqarmasynyń málimetterine súıengen onyń aıtýynsha, jalpy elordada múgedekterdiń júrýine yńǵaıly 47 «MAN» avtobýsy bar. «Alaıda qala aıaldamalary múgedekterdiń avtobýsqa minip, túsýine yńǵaıly etip jasalmaǵan», deıdi ol.
