Elordalyq múgedek qolarbada bıleýden halyqaralyq týrnırdiń kúmis júldegeri atandy
NUR-SULTAN. QazAqparat - Elordalyq múgedek qolarbada bıleýden halyqaralyq týrnırdiń kúmis júldegeri atandy. Kúmis medalmen qatar astanalyq bıshi Ardaq Otorbaev álem chempıonatynda el namysyn qorǵaýǵa joldama aldy, dep habarlaıdy QazAqparat.
«Fınlıandııanyń Tamper qalasynda qolarbamen bıleýden halyqaralyq lıtsenzııalyq týrnır aıaqtaldy. Jarys 1-5 tamyz aralyǵynda ótti, oǵan álemniń 12 elinen kásibı bıshi sportshylar qatysty», - dedi astanalyq múgedek jandarǵa arnalǵan sport mektebiniń baspasóz hatshysy Karına Dúısenova.
Onyń aıtýynsha, atalǵan týrnırde elordalyq sportshy, halyqaralyq dárejedegi sport sheberi Ardaq Otorbaev jeke óner kórsetýde kúmis júldege ıe boldy.
Sonymen qatar, ol osy jyly ótetin álem chempıonatynyń lıtsenzııasyn utyp aldy.
«Sanaýly kúnnen soń álem chempıonatyna qyzý daıyndyqty bastaımyz. Ardaq týrnır qatysýshylary arasynda ózin joǵary deıgeıde kórsete bildi. Endigi maqsat - álem chempıonatynda úzdik nátıje kórsetý. Ol ústimizdegi jyldyń qyrkúıek aıynda Reseıdiń Sankt-Peterbýrg qalasynda ótedi» - deıdi QR Eńbek sińirgen sportshysy, ári jattyqtyrýshy Álııa Túsipbekova.
