Elordalyq mektepterde 3 jańa kadet synyby ashylady
ASTANA. QazAqparat - Búgingi tańda Astanadaǵy áskerı-sporttyq klýbtar 2 myńǵa jýyq mektep oqýshylary men kolledj stýdentterin qamtyp otyr. Sondaı-aq, №25 jáne №71 mektepterde eki kadet synyby ashyldy, aldaǵy ýaqytta taǵy da jańa úsh synyp óz jumysyn bastaıdy, dep jazady qalalyq ákimdiktiń resmı saıty.
Astana qalasy Bilim basqarmasynyń bastapqy áskerı daıyndyq jónindegi ádiskeri, qalalyq áskerı-sporttyq klýbtar federatsııasynyń tóraǵasy Sergeı Sharypovtyń aıtýynsha, mektepterde bastapqy áskerı daıyndyqqa (BÁD) bólingen saǵattardyń qysqartylýyna baılanysty oqýshylardyń qosymsha bilim alýyna basa nazar aýdarylýda. Áskerı-sporttyq klýbtar bolashaqta ómirlerin áskermen jáne áskerı kúshtermen baılanystyrǵysy keletin balalarǵa arnalǵan.
- Balalar áskerı qoldanbaly jáne quqyqtyq baǵyttaǵy pánderdi, quqyq buzýshylyqtyń aldyn alý, atys jáne saptyq daıarlyq negizderin oqıdy. Sonymen qatar, BÁD pániniń mártebesin kóterý úshin bıyl mektepter men kolledjderdiń oqý-ádistemelik bazasy 40% jańartyldy, mekemeler basshylary men BÁD oqytýshylary-uıymdastyrýshylaryna arnalǵan semınarlar ótkizildi, dedi Sharypov.
Onyń aıtýynsha, Astanada 41 áskerı-sporttyq klýb bar, 2015 jylǵa qaraı olardyń sany 15-ke artady. Ol kezde klýbtar Balalar úıleri men keshki mektepterdi de qamtıtyn bolady.
