Elordalyq mektepte bolǵan órtke bilim basqarmasy túsinikteme berdi
ASTANA. QazAqparat - Astana qalasynyń bilim basqarmasynda №61 mektepte bolǵan órtke túsinikteme berdi dep habarlaıdy «QazAqparat» HAA tilshisi.
«Muǵalimderdiń jedel ári birlesken áreketteriniń arqasynda ǵımarattan ýaqytynda 2000 oqýshy shyǵaryldy. Bul kóbinese buryn ótkizilgen oqý-jattyǵýlardyń nátıjesi. Janý tehnıkalyq qyzmetkerlerge arnalǵan qosalqy orynda bolǵan. Zardap shegýshiler joq», - dep basqarmanyń baspasóz qyzmeti málimdeıdi.
Esterińizge sala keteıik, Astanada №61 orta mektepte órt bolǵan. Mektep ákimshiligi óz betimen 2212 adamdy, olardyń 2096 balany órt sóndirý toby kelgenge deıin shyǵara aldy. Aýdany 10 sharshy metr bolatyn aýmaqta jıhaz ben jeke zattar janǵan.
