Elordalyq mekemelerde Naýryz meıramynyń atap ótilýin baǵalaý boıynsha qalalyq komıssııa Agrarlyq ýnıversıtetke at basyn tiredi
ASTANA. 19 naýryz. QazAqparat /Gúlmıra Álıakparova/ - Naýryz meıramyn atap ótý boıynsha elorda qurylymdary arasynda ótip jatqan baıqaý aıasynda Astana ákimdigi janynda qurylǵan arnaıy komıssııa S.Seıfýllın atyndaǵy Qazaq agrotehnıkalyq ýnıversıtetinde bolyp qaıtty.
Ýnıversıtette bilim nárin sýsyndap, oqý orny janynda jumys isteıtin Qoǵamdyq mamandyqtar fakýltetinde shyǵarmashylyq talaptaryn shyńdap júrgen stýdent-jastar, Naýryz meıramyn qarsy alý, ony el, áýlet bolyp atap ótý ǵurpyn sondaı-aq, qazaqtyń salt-dástúrlerin, ulttyq oıyndaryn ánmen, bımen jetkizdi.
Qazylar alqasynyń nazaryna sonymen birge, qazaqtyń qara shańyraǵy - kıiz úıdiń ishine qoıylǵan qural-jabdyqtar, ulttyq buıymdar, at ábzelderi, qarý-jaraqtar jáne taǵy basqalary usynyldy. Sondaı-aq olar Naýryzdyń basty taǵamy - naýryz kójeden aýyz tıip, basqa da ulttyq taǵamdardan dám taptty.
«Astana qalasy ákimshiliginiń janynan Naýryz meıramyn atap ótýdi baǵalaý boıynsha 14 jumys toby quryldy. «Armysyń, áz-Naýryz!» qalalyq qurylymdar arasyndaǵy dástúrli baıqaý. Ol joǵary oqý oryndary, orta mektepter, medıtsınalyq mekemeler, qalalyq kásiporyndar men uıymdar arasynda ótkiziledi. Baıqaý jeńimpazdary jeke-jeke salalar boıynsha anyqtalady, solardyń ishinde - joǵary oqý oryndary», - dep atap ótti Tilderdi damytý basqarmasynyń ókili Gúlbadan Táýel.
Qazylar alqasy buǵan deıin joǵary tórt oqý ornynda, atap aıtqanda Qazaqstan-Reseı ýnıversıtetinde, Astana Medıtsınalyq ýnıversıtetinde, Eýrazııa gýmanıtarlyq ınstıtýty men «Turan-Astana» ýnıversıtetinde boldy. Olar barlyǵy 14 JOO men 32 tehnıkalyq jáne kásiptik bilim berý mekemelerine at basyn tiremek.
Baıqaý jeńimpazdary 26 naýryz kúni saltanatty jaǵdaıda marapattalatyn bolady.
