Elordalyq medıtsınalyq mekemelerde Ashyq esik kúnderi ótedi
ASTANA. QazAqparat - Jyl saıyn 15 mamyrda Halyqaralyq otbasy kúnine oraı elordalyq emhanalar men aýrýhanalarda túrli merekelik sharalar uıymdastyrylady, dep habarlady astana.gov.kz.
15 mamyrda № 5, 2, 6 jáne 10 qalalyq emhanalarda Ashyq esik kúnderi ótedi. Shara aıasynda barlyq turǵyndar bilikti mamandar tarapynan tegin konsýltatsııalar ala alady.
Sol kúni №2 qalalyq emhana aýmaǵynda «Áke, ana jáne men - sporttyq januıa» atty jarys ótkiziledi. Sondaı-aq, №5 qalalyq emhanada «Birge bolsaq, jeńilmeımiz» atty trenıng uıymdastyrylady. №3 qalalyq emhanada otbasylardy áleýmettik qorǵaý boıynsha dóńgelek ústel jumys isteıdi.
Otbasy kúni aıasynda 18 mamyrda №4 qalalyq emhanada saǵat 11:00-15:00 aralyǵynda Ashyq esik kúni ótedi. Turǵyndar ýrolog, akýsher-gınekolog, dermatovenerolog, terapevt, pedıatr, psıholog mamandarynan kókeıdegi saýaldaryna jaýap ala alady.
Barlyq sharalar otbasylyq qundylyqtardy, otbasynyń oń ımıdjin jáne salaýatty ómir saltyn nasıhattaýǵa baǵyttalǵan.
