Elordalyq medıtsına mekemeleri koronavırýsqa kúdigi bar naýqastardy qabyldaýǵa ázir
NUR-SULTAN. QazAqparat - Elordalyq medıtsınalyq mekemeler koronavırýs juqty degen kúdik bar naýqastardy qabyldaýǵa ázir, dep habarlaıdy QazAqparat qala ákimdiginiń saıtyna silteme jasap.
Nur-Sultan qalasynyń ftızıopýlmonologııa ortalyǵynyń bazasynda sanıtarlyq-epıdemıologııalyq talaptardy saqtaı otyryp, koronavırýs ınfektsııayn juqtyrǵan naýqastardy jatqyzý úshin 150 tósek qosymsha ınfektsııalyq bólimshe ornalastyryldy.
Qoǵamdyq densaýlyq basqarmasy koronavırýs ınfektsııasy boıynsha aldyn-alý is-sharalardy qolǵa aldy. Medıtsınalyq jabdyqtarmen qamtamasyz etilgen 10 birlik rezervtik jedel járdem kóligi jasaqtaldy. Koronavırýspen aýyratyn naýqastardy tasymaldaýǵa jáne shaqyrý qyzmetine qatysatyn medıtsına qyzmetkerleriniń tizimi jasaldy.
Naqty jol baǵyttary anyqtalyp, naýqastardy tasymaldaý úshin ásirese aeroport, temir jol vokzaldarynyń joldary qardan tazartylyp jatyr. Sonymen qatar qalalyq emhanadan dárigerler, OMQ, júrgizýshilerden týratyn 12 brıgada qurylyp, qajetti dári-dármekpen tolyq qamtamasyz etildi. Barlyq emhanalarda fıltr kabınetteriniń jumysy kúsheıtildi. Osy kezge deıingi QHR-dan oralǵan azamattardyń tizimi REDSO-men JRVI sımptomdaryn anyqtaý telefon soǵý arqyly óndelýde.
