Elordalyq máıithananyń bas esepshisi bıýdjet qarajatyn qymqyrǵany úshin 5 jylǵa sottaldy - Qarjy polıtsııasy
ASTANA. Qyrkúıektiń 1-i. QazAqparat /Gúlnár Jandaǵulova/ - «Patologoanatomııalyq bıýro» memlekettik kommýnaldyq qazynalyq kásipornynyń bas esepshisi 15 mıllıon teńgeden astam bıýdjet qarjysyn qymqyrǵany úshin jalpy rejımdegi túzeý kolonııasyna 5 jylǵa kesildi,
dep habarlady Ekonomıkalyq qylmysqa jáne sybaılas jemqorlyqqa qarsy kúres agenttiginen.
Astana qalalyq qarjy polıtsııasy máıithananyń bas esepshisi D.Ótegenovaǵa qatysty qylmystyq isti tekserýdi aıaqtady. Laýazymdy tulǵa bolyp tabylatyn D.Ótegenova kásiporynnyń kassasynan jalpy esepte 15,6 mıllıon teńge bıýdjet qarjysyn qymqyrǵan.
«Astana qalasy №2 sotynyń úkimimen D.Ótegenova QR Qylmystyq kodeksiniń 176-shy baby 3-shi tarmaǵy «b, g» tarmaqshalary boıynsha (ózine senip tapsyrylǵan múlikti qymqyrǵany jáne talan-tarajǵa salǵany úshin) kináli dep tanylyp, jalpy rejımdegi túzeý kolonııasyna 5 jylǵa kesildi. Ol sondaı-aq, 3 jyl merzimge býhgalterlik qyzmetpen aınalysý quqyǵynan aıryldy», - delingen resmı habarlamada.
