Elordalyq qyz-kelinshekter alaıaqqa aldanyp, nesıe alyp bergen

«Nur-Sultan qalasynyń polıtseıleri jedel-izdestirý sharalary barysynda Almaty qalasynda elordada áıelderdi aldap, birqatar alaıaqtyq jasady degen kúdikpen 34-jastaǵy azamat T.-ny qolǵa túsirdi. Ol jábirlenýshilerdiń birin aldap, senimine kirý arqyly 6 mıllıon teńge aqshasyn jymqyrǵan. Onymen qoımaı, birneshe áıelmen kóńil jarastyryp, birge turǵan. Atalǵan alaıaqtyq faktilerimen qatar, kúdikti byltyr avtokólikten urlyq jasap, quny 360 myń turatyn altyn bilezikti qoldy qylǵan», - dep habarlady qalalyq Polıtsııa departamentinen.

Habarlamada aıtylǵandaı, qazirgi ýaqytta kúdikti Almaty qalasynyń tergeý ızolıatoryna qamaldy, tergeý is-sharalary júrgizilgennen soń elordaǵa jetkiziletin bolady.

«Alaıaq 4 derek boıynsha kúdikke ilinip otyr. Onyń ishinde áıelderdiń senimine kirip, aqsha jymqyrý. Ol sonymen qatar áıelderden óz bıznesine kómek surap, alıaqtyq jolmen nesıe aldyrǵan», - delingen habarlamada.

Búginde kúdiktiniń basqa da qylmystarǵa qatysynyń bar-joǵy tekserilýde.

Osyǵan baılanysty elordalyq polıtsııa departamenti ustalǵan azamattyń qylmystyq áreketinen zardap shekkender bolsa Beıbitshilik, 19 mekenjaıy boıynsha nemese 8(7172)71-60-22, 71-63-29; 102 telefon nómiri arqyly aryzdanýǵa bolatynyn habarlady.