Elordalyq qutqarýshylar sý tasqynyna qarsy sharalar ótkizýde
ASTANA. QazAqparat - Astana qalalyq TJD «Órt sóndirý jáne apatty-qutqarý jumystary qyzmeti» MM bólimshesi Aqmola oblysynyń Astrahanka kentine 6 tehnıka jáne 24 jeke qurammen shyqty. Astrahanka kentinde qar sýyn tartý jumystary júrgizilgen bolatyn. Barlyǵy 530 tekshe metr qar sýy shyǵaryldy. Bul týraly elorda ákimdigiń resmı saıty habarlady.
Jumys aıaqtalǵan soń bólimsheler Tselınograd aýdanyndaǵy Qoıandy kentine aýystyrylyp, qazirgi kezde sý tartý jumystary júrgizilip jatyr. 10 sáýirge deıin barlyǵy 9882 tekshe metr sý tartyldy. Bul aýdanda jumystar jalǵasýda.
Astana qalasy aýmaǵynda qalalyq TJD «Órt sóndirý jáne apatty-qutqarý jumystary qyzmeti» MM bólimsheleri Úrker shaǵyn aýdanyndaǵy úı aýlalaryna ınertti materıaly bar ydys-qaptardy úıip bekitý jumystaryn jasady. Barlyǵy 100 metr uzyndyqta, ınertti materıal salynǵan 500 qap paıdalanyldy. 2 tehnıka men 15 jeke quram tartyldy. Sonymen qatar, Sh. Beısekova kóshesi men Qorǵaljyn tas jolynyń qıylysyndaǵy qurǵatý qudyǵynan qar sýy tartyldy. Barlyǵy 1584 tekshe metr qar sýy tartyldy. Jumysqa 2 tehnıka men 12 jeke quram qatystyryldy.
Elordalyq órt sóndirý jáne apatty-qutqarý jumystary qyzmeti sý tasqynnyna qarsy sharalardy jalǵastyra otyryp, eskertedi:
Temperatýranyń joǵarylaýyna baılanysty jeke sektor turǵyndary
- aýladaǵy qardy ýaqytyly kúrep otyrýy;
- aýladaǵy sýdy shyǵarý úshin aryqtar qazyp, bar aryqtardy tazalap otyrýy;
- qum men qıyrshyq salynǵan qaptardan qorǵanys jasaýy qajet.
