Elordalyq qutqarýshylar shomylý kezinde qaýipsizdikti saqtaýǵa shaqyrady

ASTANA. QazAqparat - Elordalyq qutqarýshylar sýdaǵy qaýipsizdikti saqtaýǵa shaqyrady, dep habarlaıdy QazAqparat.

Qalalyq TJD málimetinshe, sýdaǵy ólim jaǵdaılarynyń shamamen 80%-y azamattardyń mas kúıinde shomylýy, sondaı-aq jabdyqtalmaǵan jáne tyıym salynǵan jerlerde shomylýy saldarynan bolady.

«Elordada aǵymdaǵy jyly resmı túrde shomylýǵa arnalǵan 4 oryn ruqsat etilgen. Olarmen «2gis» platformasynda tanysýǵa bolady.

Shomylý kezeńinde kúndelikti patrýldeýge 50 súńgýir-qutqarýshy, 15 súńgýirlik jaraqtary bar jedel-qutqarý tehnıkasy, 6 júzý quraldary (2 keme, 4 qaıyq) tartylǵan», - dep jazdy vedomstvodan.