Elordalyq qutqarýshylar «Otbasy» kúnin atap ótti
ASTANA. 27 tamyz. QazAqparat - Elordalyq qutqarýshylar «Qulager» sport kesheninde Otbasy kúnin atap ótti, dep habarlady Astana qalasynyń resmı saıty.
«Qyzmetkerlerdiń otbasylarynyń arasynda uıymdastyrylǵan sporttyq jarystarda 12 januıadan quralǵan 3 komanda kúsh synasty. Jarystar 8 kezeńmen ótti. Barlyq qatysýshylar men balalar tıisti syılyqtaryn alyp, qýanyshqa bólendi», - dep habarlady vedomstvodan.
Budan basqa, departament basshylyǵy Astana qalalyq garnızony qyzmetkerleriniń birinshi synypqa baratyn balǵyndaryn da quttyqtady. TJD bastyǵy general-maıor Meıram Ysqaqov birer kúnnen keıin oqýshylar qataryna qosylatyn balǵyndarǵa syılyqtar tabys etti. Merekelik baǵdarlamanyń jalǵasy retinde, kloýndar óner kórsetip, balalarǵa tátti-dámdiler taratyldy.
«Osy syndy is-sharalardy uıymdastyrý departamentte dástúrge aınalǵan. Sebebi bul ıgilikti sharalar balalardyń kóńilderin kóterip qana qoımaı, jańa oqý jylynyń aldynda olardy sál de bolsyn jigerlendiredi»,- deıdi departament qyzmetkerleri.
Otbasy kúni Prezıdenttiń Jarlyǵymen bekitilip, dástúrli túrde qyrkúıektiń ekinshi jeksenbisinde atap ótiledi.
