Elordalyq qutqarýshylar «Qaýipsizdik balalar kózimen» aktsııasyn uıymdastyrdy
NUR-SULTAN. QazAqparat – Búgin Halyqaralyq balalardy qorǵaý kúnine oraı elordalyq qutqarýshylar «Qaýipsizdik balalar kózimen» aktsııasyn uıymdastyrdy, dep habarlaıdy QazAqparat tilshisi.
Balalardyń jaraqattanýy máselesine nazar aýdarý, balalardyń tótenshe jaǵdaılarǵa uryný jaǵdaılarynyń sanyn azaıtý jáne olardyń qaýipsizdigin qamtamasyz etý maqsatynda ótkizilgen is-sharaǵa Tótenshe jaǵdaılar vıtse-mınıstri Marat Kúldikov arnaıy qatysty.
«SOS» balalar aýylynyń tárbıelenýshileri qatysqan is-shara barysynda qutqarýshylar balalarǵa túrli anımatorlardyń kómegimen kontsert qoıyp, merekelik kóńil-kúı syılady, oıynshyqtar men syılyqtar tabystady. Sondaı-aq balalarǵa jyljymaly dala ashanasynan ystyq taǵam, jaıylǵan dala shatyrynda táttiler usynyp, kınologııalyq esepteýlerdiń, qutqarýshy-súńgýirlerdiń kórsetilimderi usynyldy. Órt sóndirý tehnıkasymen jáne órt sóndirýshilerdiń jaýyngerlik jabdyqtarymen tanystyrý uıymdastyryldy.
