Elordalyq quqyq qorǵaýshylar jarylǵysh zat qoıylǵandyǵy týraly jalǵan aqparat bergen azamatty quryqtady

Astana qalalyq ІІD til saıasaty jáne aqparat bóliminiń taratqan aqparatyna qaraǵanda, naýryzdyń 31-i kúni keshki saǵat 20:00-de 102 shuǵyl telefonyna, «Kaspıı» sport kesheniniń 2-shi qabatyna jarylǵysh zat qoıylǵandyǵy jaıynda belgisiz azamat habarlaǵan. Jedel tekserý amaldary barysynda ǵımarattan eshqandaı jarylǵysh zat tabylmaı, aqparattyń jalǵan ekendigi anyqtalǵan. Astana qalalyq ІІD Ekstremızmmen kúres basqarmasy qyzmetkerleriniń jedel izdestirý is-sharalary barysynda B. esimdi azamat ustalyp, ol jalǵan aqparat taratqandyǵyn moınyna alǵan. Tergeý amaldary barysynda telefon lańkesiniń buǵan deıin de jalǵan aqparat bergendigi anyqtalyp otyr.

«Qazirgi ýaqytta azamat B.-ǵa qatysty QR Qylmystyq kodeksiniń 242 babyna sáıkes qylmystyq is qozǵaý máselesi sheshilýde. Sonymen qatar onyń psıhıkalyq aýrýǵa shaldyqqany anyqtalyp otyr», delingen baspasóz habarlamasynda.