Elordalyq quqyq qorǵaýshylar iri kólemde esirtki zatyn saýdalamaq bolǵan azamatty quryqtady
ASTANA. Naýryzdyń 27-si. QazAqparat - Elordalyq quqyq qorǵaýshylar 2 keliden astam esirtki zatyn saýdalamaq bolǵan 43 jastaǵy azamatty quryqtady.
Bul týraly Astana qalalyq ishki ister departamentiniń til saıasaty jáne aqparat bóliminen habarlady.
«Dopıng» jedel aldyn alý is-sharasy barysynda Esirtki bıznesimen kúres basqarmasynyń qyzmetkerleri Maqtumquly kóshesinde ornalasqan páterlerdiń birinen esirtki zatyn saýdalamaq bolǵan azamatty tutqyndaǵan. Onyń jeke zattaryn tekserý barysynda 5 grammǵa jýyq esirtkiniń eń aýyr túri - geroın tárkilengen.
«Atalǵan is boıynsha Qazaqstan Respýblıkasy Qylmystyq kodeksinde múlkin tárkileý arqyly 10-nan 15 jylǵa deıin bas bostandyǵynan aıyrý jazasy qarastyrylǵan qylmystyq is qozǵaldy», delingen baspasóz habarlamasynda.
