Elordalyq kórermender tuńǵysh ret «Gamletti» tamashalaıdy
ASTANA. 5 sáýir. QazAqparat -Q.Qýanyshbaev atyndaǵy Memlekettik akademııalyq qazaq mýzykalyq drama teatrynda sáýirdiń 12-13 kúnderi Ý.Shekspırdiń shyǵarmasy boıynsha qoıylǵan «Gamlet» tragedııasynyń premerasy ótedi.
Qoıýshy rejısseri - QR eńbek sińirgen qaıratkeri Bolat Uzaqov. Shyǵarmany qazaq tiline aýdarǵan aqyn Hamıt Erǵalıev.
Atalmysh premeranyń basty ereksheligi - Qallekı teatrynyń shyǵarmashylyq ujymynyń kezekti álemdik sahna ónerindegi týyndyǵa bet burýynda. Ý.Shekspır shyǵarmashylyǵyndaǵy «Gamlet» tragedııasy, Qallekı sahnasynda tuńǵysh ret sahnalanbaq. Álemniń barlyq elinde sahnalanǵan, ekranǵa shyqqan tragedııanyń qaharmany jańa sarynmen sahnaǵa jol aldy.
Gamlet beınesinde teatrdyń orta býyn artısteri, ıaǵnı QR eńbek sińirgen qaıratkeri Núrken Óteýilov pen QR Daryn jastar syılyǵynyń ıegeri Syrym Qashqabaevtardyń sheberligimen somdalmaq.
Álemge áıgili keıipker «Gamlet» Dat eliniń hanzadasy. Onyń taǵdyry jaqsylyq pen jamandyqtyń, satqyndyq pen jalǵandyqtyń, súıý men jek kórýde ar jolynan sanaly túrde tragedııaǵa ushyratady. Onyń osy tartystaǵy bir maqsaty - bar bolý ma bolmasa joq bolý. Shytyrmanǵa toly tartystar men mashaqaty mol mahabbat tartysyna jeteleıtin shyǵarmadan ár kórermen óz kórgenin oıyna túıinmek.
