Elordalyq kórermender «Kók pen jerdiń arasy» melodramasynyń premerasyn tamashalady
ASTANA. 11 naýryz. QazAqparat - Astanalyq Jastar teatrynyń repertýary taǵy bir tyń týyndymen tolyqty,
dep habarlaıdy 24.kz.
Keshe elordalyq kórermender «Kók pen jerdiń arasy» melodramasynyń premerasyn tamashalady. Qoıylym jastar arasyndaǵy mahabbat taqyrybyna negizdelgen,
Jaqynda ǵana jalǵa páter alǵan Artýr esimdi jas jigit úıdiń ishinde ózinen basqa adam bar ekenin sezedi. Dálirek aıtsaq adam emes, páter ıesiniń rýhyn. Boıjetkenniń jany tek Artýrdyń kózine kórinedi. Osylaısha eki jas birimen-biri sóılesip, oılarymen bólisedi. Qyz ben jigittiń arasynda mahabbat sezimi oıanady. Nátıjesinde Artýr es-tússiz aýrýhanada jatqan qyzdy ólim aýzynan aman alyp qalady. Qoıylymnyń rejısseri, jas akter Dáýren Serǵazın basty róldi ózi somdady. Aıta keteıik, búgingi qoıylym - jas talant ıesiniń rejısserlikke jasaǵan alǵashqy qadamy.
