Elordalyq kompanııa basshysy 123 adamdy aldap, 149 mln teńge zalal keltirgen

NUR-SULTAN. QazAqparat – Elordada 123 adamdy aldap, 149 mln teńge zalal keltirgen bir kompanııa basshysy ustaldy. Bul týraly Memleket basshysynyń qabyldaýynda bolǵan Іshki ister mınıstri Marat Ahmetjanov málim etti, dep habarlaıdy QazAqparat.

«Mysaly, elordalyq polıtseıler kompanııalardyń biriniń dırektoryna qatysty qylmystyq isti sotqa joldady. Ol Norvegııa Koroldigine jumysqa ornalastyramyn degen jeleýmen Qazaqstannyń 123 azamatyn aldap, 149 mıllıon teńgeden astam kólemde zalal keltirgen. Kúdikti kináli dep tanylyp, 7 jylǵa bas bostandyǵynan aıyryldy», - delingen Aqordanyń habarlamasynda.

Qylmystyq protsestiń úsh býyndy modelin iske asyrý aıasynda asa aýyr sanattaǵy 928 isti tergep-tekserý jumystary aıaqtalyp, sotqa joldanǵan. Sonymen qatar, segiz uıymdasqan qylmystyq toptyń qyzmeti toqtatyldy. Uıymdasqan qylmystyq top qurý jáne ony basqarýǵa qatysty 16 qylmystyq is tergelip jatyr.

Buǵan deıin habarlaǵanymyzdaı, Memleket basshysy Іshki ister mınıstri Marat Ahmetjanovty qabyldady.