Elordalyq kolledjderge qujattar qabyldaý bastaldy
NUR-SULTAN. QazAqparat - Búgin Nur-Sultan qalasynyń kolledjderine qujat qabyldaý bastaldy, dep habarlaıdy qala ákimdiginiń resmı saıty.
2019-2020 oqý jylyna memlekettik bilim berý tapsyrysy (grant) 25 kolledjde ornalasqan jáne 4705 oryndy quraıdy. Qujattardy qabyldaý 25 tamyzǵa deıin jalǵasady.
Oqýǵa túsý úshin qajetti qujattar tizimine ótinish, bilimi týraly qujattyń túpnusqasy, №086-Ý nysanyndaǵy medıtsınalyq anyqtama flıýrografııa sýretimen qosa (I jáne II toptaǵy múgedekter men bala jasynan múgedekter úshin - 088 - Ý nysanyndaǵy medıtsınalyq-áleýmettik saraptamanyń qorytyndysy), 3h4 kólemdegi 4 fotosýret kiredi.
Qujattar kolledjdiń qabyldaý komıssııasyna qaǵaz túrinde nemese e.astana.kz saıty arqyly elektrondy túrde usynylýy múmkin.
Eske salsaq, elorda kolledjderinde qaı mamandyqtarǵa tegin oqýǵa bolatyndyǵyn buǵan deıin jazǵan bolatynbyz.
