Elordalyq kólik júrgizýshisinen esirtki zattary tabyldy
ASTANA. Qańtardyń 27-si. QazAqparat /Marlan Jıembaı/ - Elordada «Aýdı-100» kóligi júrgizýshisiniń jeke zattaryn tekserý barysynda geroın tabyldy.
Bul týraly Astana qalalyq ishki ister departamenti til saıasaty jáne aqparat bóliminiń bastyǵy Nurdildá Oraz málim etti.
Onyń aıtýyna qaraǵanda, osydan eki kún buryn qalalyq ІІD Esirtki bıznesimen kúres basqarmasynyń qyzmetkerleri ótkizgen jedel izdestirý sharasy barysynda, Abaı men Beısekbaev kósheleriniń qıylysynda elordalyq 1967 jylǵy azamat basqarýyndaǵy «Aýdı-100» kóligi tekserilgen.
«Bul avtokólikti jáne ustalǵan azamattyń jeke zattaryn tekserý barysynda salmaǵy 1,83 gramm geroın jáne 1,49 gramm gashısh tárkildendi. Sonymen qatar osy kóliktiń salonyndaǵy jolaýshyny tekserý barysynda, onyń jeke zattarynyń arasynan 3,13 gramm geroın tabyldy», deıdi N.Oraz.
Qazirgi ýaqytta tutqyndalǵan eki azamat Astana qalalyq ІІD ýaqytsha oqshaýlaý ornyna qamalyp, olardyń ústinen QR QK-niń 259 baby boıynsha qylmystyq is qozǵalǵan.
