Elordalyq QHA qaıyrymdylyq shyrshasyn ótkizdi

NUR-SULTAN. QazAqparat - Búgin elordalyq Dostyq úıinde Nur-Sultan qalasy Qazaqstan halqy Assambleıasynyń Jańa jyldyq qaıyrymdylyq shyrshasy ótti, dep habarlaıdy Nur-Sultan qalasy ákimdiginiń janyndaǵy «Qoǵamdyq kelisim» KMM baspasóz qyzmeti.

Jańa jyldyq qaıyrymdylyq shyrshasynyń negizgi maqsaty – az qamtylǵan jáne kópbalaly otbasylardan shyqqan, jetim balalar men ata-anasynyń qamqorlyǵynsyz qalǵan jáne múgedek balalarǵa kómek kórsetý, sondaı-aq olarǵa merekelik kóńil-kúı syılaý.

Dostyq úıiniń kontsert zalynda ótken sharaǵa 100-ge jýyq bala men ata-ana qatysty. Olardyń arasynda tanymal prodıýser Alpamys Shárimov, jaıdarmanshy Ǵalym Mahambetov pen uly Rasýl da boldy. Aıaz ata men Aqshaqar, Mıkkı Maýs pen Grınch, Mınon jáne Temir adam beınesindegi ertegi keıipkerleri qoıylymdar qoıyp, búldirshinderge erekshe áser syılay. Arnaıy oıyndar men kontserttik baǵdarlama da uıymdastyryldy.

Mereke sońynda ár balaǵa Jańa jyldyq syılyqtar tabystaldy. Óńirlik etnomádenı birlestik ókilderi de balalardy Jańa jyl merekesmen quttyqtap, ıgi lebizderin bildirdi.

Aıta keteıik, qaıyrymdylyq shyrshasy «OSK Stroıservıs» JShS bas dırektory, elordalyq «ıÝnchı» dúngen etnomádenı ortalyǵy tóraǵasynyń orynbasary Daýt Genhýzovtyń muryndyq bolýymen atalyp ótti.