Elordalyq kelinshek koronavırýstan aıyǵyp, qyz balany dúnıege ákeldi
NUR-SULTAN. QazAqparat - №1 kópsalaly aýrýhana dárigerleri qajyrly eńbeginiń arqasynda 39 jastaǵy áıel men onyń jańa týǵan sábıiniń ómirin saqtap qaldy, dep habarlaıdy QazAqparat Nur-Sultan ákimdiginiń resmı saıtyna silteme jasap.
24 maýsymda emhananyń akýsherlik bólimshesinde vırýstyq pnevmonııa (80% zaqymdaný), ıntoksıkatsııa sındromy jáne arterııalyq gıpertenzııa saldarynan tynys jetispeýshiligimen aýyr halde júkti áıel kelip tústi.
«Qabyldaý kezinde áıeldiń júktilik merzimi 34 apta 6 kún bolǵan. Oǵan COVID-19-dyń aýyr túri, eki jaqty poletsegmentti pnevmonııa, sondaı-aq qalypty preeklampsııa dıagnozy (júkti áıelde joǵary qan qysymynyń bolýy) qoıylǵan bolatyn», – deıdi aýrýhana qyzmetkerleri.
Dárigerler birden-bir durys sheshim qabyldap, kesar tiligin jasady. Salmaǵy 2,3 keli bolatyn shala týǵan qyz bala dúnıege keldi. Náreste dereý reanımatsııa bólimine aýystyrylyp, oǵan ıntensıvti baqylaý men emdeý júrgizildi.
Sonymen birge dárigerler ana ómiri úshin kúresti. Operatsııadan keıin ol reanımatsııa jáne ıntensıvti terapııa bólimine ornalastyrylyp, onda 12 kún jatty. Jeti kún boıy ol ókpeni jasandy jeldetý apparatymen tynys aldy.
Jaǵdaıy turaqtanǵannan keıin emdeý qarqyndy baqylaý palatasynda jalǵasty.
Dárigerler men medıtsına qyzmetkerleriniń kúsh-jigeriniń arqasynda ana men bala úıge shyǵaryldy.
