Elordalyq Kedendik baqylaý departamentiniń 5 qyzmetkeri jemqorlyq qylmysy boıynsha jaýapkershilikke tartyldy
ASTANA. 28 jeltoqsan. QazAqparat /Jasulan Amanbaıuly/ - 2010 jyly Astana qalasynda jemqorlyq quqyqbuzýshylyq boıynsha kedendik baqylaý qyzmetiniń 5 laýazymdy tulǵasy jaýapkershilikke tartyldy, dep habarlaıdy Astana qalasy Kedendik baqylaý departamentiniń baspasóz qyzmeti.
«Qoǵamnyń dertine aınalǵan jemqorlyqpen kúreste Astana qalasy boıynsha Kedendik baqylaý departamenti eleýli ister atqaryp keledi. Jumystyń ashyqtyǵyn bildirý, jemqorlyqqa jol bermeý syndy bastaýlardy arqa tutqan astanalyq kedenshiler únemi ońtaıly sharalar uıymdastyrýda. Іshki qaýipsizdik bólimimen jemqorlyqpen kúreste turaqty túrde qyzmetkerler arasynda saýalnama, dárister ótkizilip turady. Іshki qaýipsizdik bóliminiń qyzmettik tergeý júrgizý nátıjesi boıynsha departamenttiń 32 ókiletti tulǵasy tártiptik jaýapkershilikke tartyldy, onyń 5-ýi jemqorlyq quqyqbuzýshylyq boıynsha»,- delingen baspasóz habarlamasynda.
Aǵymdaǵy jyly Astana qalasy boıynsha KBD-niń ІQB-men tórt qylmystyq is qozǵaldy, onyń biri Astana qalasy boıynsha UQKD-men birigip qozǵalyp, sot úkiminiń aıyptaýymen aıaqtaldy. Eki is departament qyzmetkerine, bir is Astana qalasy boıynsha KBD-niń burynǵy qyzmetkerine qatysty qozǵaldy.
Taratylǵan aqparda málim etilgenindeı, «Nur Otan» HDP-nyń Astana qalalyq fılıalymen birlesken jumys barysynda 2010 jyldyń 12 aıynda 2 ashyq esik kúnderi, 2 dóńgelek ústel otyrysy, 4 keden saıasaty boıynsha konsýltatıvti keńes otyrysy, 2 aımaqtyq keden organdarynyń basshylarymen azamattardy qabyldaý kúnderi ótkizildi.
