Elordalyq QAJD qyzmettik kólikteriniń parki jańardy

ASTANA. 4 mamyr. QazAqparat - Astana qalalyq Qylmystyq-atqarý júıesi departamentinde qyzmettik kólikterdiń parki jańardy.

Atalǵan departament ókili Bıbigúl Muńaıtpasovanyń sózine qaraǵanda, 2012-2015 jyldary Qylmystyq atqarý júıesin damytý baǵdarlamasyn júzege asyrý aıasynda búginde respýblıkalyq bıýdjet qarjysy esebinen Astanada ornalasqan túzetý mekemeleriniń materıaldyq-tehnıkalyq bazasy kúsheıtilýde.

Atap aıtqanda, sońǵy 10 jylda avtokólik alýǵa alǵash ret qarjy bólingen.

Jańa «NIVA», «LADA-21214», «KIA Cerato Luxe» kólikteriniń, sondaı-aq ızotermalyq jabyny bar GAZ-3302, ÝAZ-396295-338 vakýýmdy mashınasynyń, GAZ-SAZ 35071 júk kóliginiń kiltin búgin kolonııa bastyqtaryna Astana boıynsha Qylmystyq-atqarý júıesi departamenti bastyǵynyń mindetin atqarýshy Tolqyn Narymbıev tapsyrmaq.