Elordalyq Qazaqstan halqy Assambleıasynyń HІ sessııasynda Assambleıa tóraǵasynyń 2010 jylǵy orynbasarlary saılandy
dep habarlaıdy QazAqparat.
Astana qalasy ákiminiń orynbasary Ámirhan Raqymjanovtyń tóraǵalyǵymen ótken qalalyq Assambleıanyń kezekti HІ sessııasyna 114 músheniń 105-i qatysty. Sessııa jumysyna sondaı-aq qalalyq qurylymdardyń basshylary men qoǵamdyq birlestikterdiń ókilderi shaqyryldy.
Qatysýshylardyń bir aýyzdan bergen daýysymen Astana qalasy Qazaqstan halqy Assambleıasy tóraǵasynyń 2010 jylǵy orynbasarlary bolyp, Igor Berg («Vıdergebýrt» nemister qoǵamy) jáne Salman Geroev («Vaınah» sheshen-ıngýsh etnomádenı birlestigi) saılandy.
Esterińizge sala keteıik, oblystar men qalalyq deńgeıdegi Qazaqstan halqy Assambleıasynyń tóraǵalary sol aımaqtyń ákimderi bolyp tabylady.
Sessııa barysynda sondaı-aq, birqatar etnomádenı birlestikter ókilderiniń belsendi jumystary atap ótilip, qala ákimi Imanǵalı Tasmaǵambetovtyń atynan olarǵa alǵys hattar tabys etildi. Olardyń qatarynda koreı jeksenbilik mektebiniń dırektory Janna ıÝgaı, «Vıdergebýrt» nemister qoǵamy tóraǵasynyń orynbasary Sofıa Kozorezova, «Lad» slavıan qozǵalysynyń tóraǵasy Aleksandr Zarıpov, «Hýeızý» dúńgen qoǵamdyq birlestiginiń tóraǵasy Kárim Dáýirov jáne «Dala ólkesi» kazaktar odaǵynyń tóraǵasy Nıkolaı Shepelıýk bar.
