Elordalyq kásipkerlerge keńes berý aktsııasy jalǵasyp jatyr
NUR-SULTAN. QazAqparat - Elordada «Kásipkerlerge keńes berý» aktsııasy jalǵasyp jatyr, dep habarlaıdy QazAqparat qala ákimdigine silteme jasap.
Nur-Sultan qalasynyń memlekettik organdary men uıymdary birlesip, elordanyń halqy kóp shoǵyrlanǵan oryndarda «Kásipkerlerge keńes berý» ashyq esik kúnin ótkizip keledi.
«Atalǵan sharada kásipkerler men kelýshiler salyq zańnamasy, til jáne jarnama týraly zańnama, memlekettik qoldaý sharalary, áleýmettik saqtandyrý, zeınetaqy jınaqtaý jáne órt qaýipsizdigi men sanıtarlyq erejelerin saqtaý jáne taǵy da basqa suraqtar boıynsha keńes alady», delingen habarlamada.
Jospar boıynsha «Kásipkerlerge keńes berý» aktsııasy jyldyń sońyna deıin elordanyń iri 24 saýda ortalyǵynda ótkiziledi. Aldaǵy konsýltatsııalyq kómek berý sharasy 17 naýryz kúni «Soltústik» saýda úıinde uıymdastyrylady. Sharanyń basty maqsaty – qaladaǵy iskerlik ahýaldy jaqsartyp, shaǵyn jáne orta bıznes kásipkerleri úshin memlekettik qyzmetterdiń qol jetimdiligin arttyrý.
