Elordalyq kásipker zaýyt salýǵa jerdi jalǵa alyp, satyp jibergen
NUR-SULTAN. QazAqparat – Elordalyq kásipker zaýyt salý úshin jalǵa jer alyp, ony satyp jibergen, dep habarlaıdy QazAqparat tilshisi.
«N.» JShS dırektory elordaǵa jaqyn mańda zaýyt salý úshin 5 jyl merzimge 1,5 gektarlyq jerdi paıdalanýǵa alǵan. Osydan keıin sottalýshy jalǵa alǵan jerdiń maqsatty túrde paıdalanýy kerektigin bile tura, Olx.kz saıtyna 2 mln teńgege 10 sotyq jer satatynyn jazyp, habarlandyrý bergen», - dep málem etti Nur-Sultan qalalyq sotynyń baspasóz qyzmetinen.
Osylaısha, bólinýge jatpaıtyn jer ýchaskesinde turǵyn úı salýǵa bolmaıtynyn bile tura, eki azamatpen satý-satyp alý týraly aldyn ala kelisimshart jasasyp, olardyń aqshasyna ıe bolǵan. Materıaldyq shyǵyn 7 200 000 teńge bolǵany habarlanyp otyr.
«Almaty aýdandyq №2 sotyny úkimimen «N.» JShS dırektory alaıaqtyǵy úshin kináli dep tanylyp, 5 jylǵa bas bostandyǵynan aıyryldy. Sonymen birge, ol materıaldyq jaýapkershiligi bar laýazymdardy ıelený quqyǵynan 5 jyl merzimge shekteldi. Azamattyq aryz qanaǵattandyrylyp, sottalýshydan 7 200 000 teńge óndirilip alyndy. Úkim zańdy kúshine endi», - dedi qalalyq sottan.
