Elordalyq kásipker turǵyndarǵa tegin maska taratty
NUR-SULTAN. QazAqparat – Elordalyq kásipker Ernur Bolatuly jýnalısterge, qala turǵyndaryna jáne kóshe tazalyǵyna jaýapty jumysshylarǵa tegin maska taratty, dep habarlaıdy QazAqparat tilshisi.
Kásipker óz isimen halyqty koronavırýs indetimen birlesip kúresýge shaqyrǵysy keledi.
«Bul – elimizdiń, tipti búkil álemniń basyna túsken synaq. Osyndaı jaǵdaıda dertpen búkil adamzat balasy birlesip kúresýi tıis. Ókinishke oraı, bir-birimizge qol ushyn bergenniń ornyna, qajetti zattardyń baǵasyn kóterip, betperdelerdi qymbatqa satyp jatqan keıbir alypsatarlardyń isi meni qatty oılandyrdy. Qolymnan kelgenshe solardyń qolyndaǵy maskalardy jınap alyp, halyqqa tegin tarataıyn dep sheshtim. Árıne eń áýeli aldyńǵy shepte júrgen dárigerlerge qoldaý bildirýimiz kerek. Sonymen birge jarqulaǵy jastyqqa tımeı halyqty aqparatpen qamtamasyz etip jatqan jýrnalısterdiń eńbegi erekshe dep aıtqym keledi. Osyndaı qıyn sátte dalada júrgen kóshe tazalyqshylarynyń da eńbegi eren. Sol úshin alǵashqy maskalardy osy kisilerge tarattyq. Barlyqtaryńyzǵa belgili, bıyl - Volonter jyly. Osy oraıda barlyq kásipkerlerdi qıyn kúnde halyqpen birge bolýǵa shaqyramyn», - deıdi E. Bolatuly.
Búgin kásipker 2 myń danaǵa jýyq medıtsınalyq maskany taratyp berdi.
Ernur Bolatuly qaıyrymdylyq sharalaryn aldaǵy ýaqytta da jalǵastyra bermek.
