Elordalyq «Kámeletke jasy tolmaǵandardy beıimdeý ortalyǵynda» qaıyrymdylyq aktsııasy ótti

ASTANA. 27 qarasha. QazAqparat - Tuńǵysh Prezıdent kúnin merekeleý qarsańynda Astana qalasynyń Ádilet departamentinde elordalyq «Kámeletke jasy tolmaǵandardy beıimdeý ortalyǵynyń» balalary úshin qaıyrymdylyq aktsııasy uıymdastyryldy, dep habarlady Astana qalasynyń resmı saıty.

Aktsııa aıasynda balalar bólmelerin jabdyqtaý úshin qajetti jıhaz-múlikter, sondaı-aq, ortalyq tábıelenýshileri úshin oıynshyqtar men syılyqtar aldy.

Astana qalasy Ádilet basqarmasynyń qyzmetkerleri ózara túsinistik jaǵdaıynda balalarǵa quqyqtary týraly áńgimelep, olardyń saýaldaryna jan-jaqty jaýap berdi.

Kezdesý sońynda qatysýshy qonaqtar men balalar birigip, halyq bıi «Qara jorǵany» bıledi.