Elordalyq Іshki ister departamentinde Tergeý organdary qyzmetkerleriniń kúnine oraı merekelik shara ótti
STANA. Sáýirdiń 5-i. QazAqparat - Erteń, sáýirdiń 6-sy - Tergeý organdary qyzmetkerleriniń kúni. Osyǵan oraı búgin Astana qalalyq Іshki ister departamentinde merekelik shara ótti.
Bul týraly atalǵan vedomstvonyń til saıasaty jáne aqparat bóliminen habarlady.
Merekelik is-sharany saltanatty túrde ashqan departament bastyǵy, polıtsııa polkovnıgi Marat Demeýov Tergeý basqarmasy qyzmetkerlerin marapattaı kele, «bıyl tergeý organdarynyń qurylǵanyna 47 jyl tolyp otyr. Qylmyskerlermen kúresý jolynda olardyń kúndelikti ómiri erlikke, qaharmandyq pen qaýipke toly. Qoǵamnyń barlyq damý kezeńinde azamattardyń ómirin, densaýlyǵyn qylmystyq qol suǵýdan qorǵaýda tergeý organy qyzmetkerlerine júktelgen ár mindet asa jaýapkershilik pen tııanaqtylyqty qajet etetini barshaǵa málim. Búgingi elordalyq tergeýshiler jasalǵan qylmystardyń izin sýytpaı ashýda jaqsy nátıjelerge qol jetkizýde», dep atap ótti.
Shara barysynda Astana qalalyq ІІD bastyǵynyń orynbasary, polıtsııa podpolkovnıgi Dmıtrıı Malahov QR Іshki ister mınıstriniń qoly qoıylǵan maqtaý qaǵazymen, sondaı-aq birqatar qyzmetker departament bastyǵynyń buıryǵymen maqtaý qaǵazdarymen marapattaldy. Sonymen qatar tergeý oryndarynda qyzmet etetin 86 qyzmetkerge jalpy kólemi 1 jarym mıllıon teńge qarjylaı syıaqy beriletin boldy. Saltanatty shara merekelik kontsertpen jalǵasty.
