Elordalyq Іshki ister departamentinde ardagerlerge qurmet kórsetildi

ASTANA. 7 mamyr. QazAqparat - Elordalyq Іshki ister departamentinde Otan qorǵaýshy kúni men Jeńis kúnine arnalǵan saltanatty shara ótti.

Atalǵan sharada ІІD bastyǵy, polıtsııa general-maıory Amantaı Áýbákirov ardagerlerge olardyń maıdandaǵy jáne eńbektegi erlikteri úshin rızashylyǵyn bildire otyryp, Jeńistiń 68 jyldyq merekesimen quttyqtady.

Merekelik quttyqtaýlar Astana qalalyq ІІD Ardagerler keńesiniń tarapynan da aıtyldy. Keńes tóraǵasy Esim Tańabergenov ardagerler men polıtsııa qyzmetkerlerine óz quttyqtaýyn jetkizdi.

Sonymen qatar osy kúni ardagerler «Otan qorǵaýshylar» monýmentine gúl shoqtaryn qoıdy. Odan keıin ardagerler úshin merekelik kontsert uıymdastyryldy.

Budan bólek, QR Іshki ister mınıstriniń jáne Astana ІІD bastyǵynyń buıryqtarymen birqatar qyzmetker qyzmettik mindetterin minsiz atqarǵany, zańdylyqty jáne quqyqtyq tártipti nyǵaıtýǵa qosqan úlesteri úshin gramotalarmen jáne medaldarmen marapattaldy.