Elordalyq iKOMEK tótenshe jaǵdaı kezinde kúsheıtilgen rejımde jumys istep jatyr
Ortalyq kúsheıtilgen rejımde jumys isteıdi, elorda azamattarynyń tynys-tirshilikti qamtamasyz etýdiń barlyq máseleleri boıynsha ótinishterin qabyldap, qoǵamdyq qaýipsizdikti qamtamasyz etý maqsatynda 2022 jylǵy 5 qańtardan bastap engizilgen tótenshe jaǵdaı suraqtary boıynsha keńes beredi.
Internettiń ajyratylýyna baılanysty iKOMEK109 úzdiksiz jumys istep, birden bir kommýnıkatsııa quralyna aınaldy.
Ortalyqta TJ rejımine qatysty barlyq suraqtar jedel túrde atqarylady. iKOMEK109 ortalyǵyna aǵymdaǵy jyldyń 5 qańtarynan bastap búgingi tańǵa deıin 58 myńǵa jýyq ótinish kelip tústi.
Eń kóp qońyraý sany 5 jáne 6 qańtar kúnderi: 20 myńnan astam qońyraý qabyldandy.
iKOMEK109 baılanys ortalyǵy ótken táýlikterde konsýltatsııalyq sıpattaǵy 8 myńnan astam qońyraýdy qabyldady.
Suraqtardyń kópshiligi tótenshe jaǵdaıǵa qatysty – 2 919, kóbinese blokposttar arqyly kirip-shyǵý, qoǵamdyq kólik jumysy, komendanttyq saǵat, kimniń júrip-turýyna bolady degen sıpattaǵy suraqtar qoıyldy.
Ekinshi orynda densaýlyq saqtaý salasyndaǵy suraqtar – 1 918, koronavırýsqa, jańa omıkron-shtamyna qatysty suraqtar.
Úshinshi orynda qoǵamdyq kólik máseleleri – 895, azamattardy qala ishinde qoǵamdyq kólikpen júrý, jolaqysyn tóleý jáne basqa suraqtar alańdatty.
Qala turǵyndary sonymen qatar, qala tirshiligin qamtamasyz etý, sýmen jabdyqtaý, elektrmen jabdyqtaý máselelerimen júginýde.
«iKOMEK109 biryńǵaı baılanys ortalyǵy kúsheıtilgen rejımde jumys isteýde. Memleket basshysy Qasym-Jomart Toqaev jarııa etken tótenshe jaǵdaı rejımi kezeńinde ortalyqqa kelip túsetin ótinishter legi artty, oǵan jedel túrde jaýap berip jatyrmyz», - dedi iKOMEK qalalyq ortalyǵynyń basshysy Jannat Dúbirova.
Sonymen qatar iKOMEK ahýal ortalyǵy aıasynda Nur-Sultan qalasynyń Polıtsııa jáne Tótenshe jaǵdaılar departamentterimen birlese otyryp, elorda turǵyndarynyń qaýipsizdigin qamtamasyz etý boıynsha jumys júrgizilýde.
Jedel shtab aıasynda beınebaqylaý júıesi arqyly qoǵamdyq tártipke monıtorıng júrgiziledi.
iKOMEK ahýal ortalyǵynyń beınebaqylaý operatorlary tarapynan qoǵamdyq tártip pen komendanttyq saǵatty buzýshylar anyqtalyp, jedel túrde polıtsııa departamentiniń qyzmetkerlerine berilip jatyr.
