Elordalyq hokkeı mektebi Qazaqstanda úzdik atandy
NUR-SULTAN. QazAqparat - Shaıbaly hokkeıden «Astana-2004» komandasy (A toby) Óskemende aqtyq oıyndarda jeńiske jetip, Qazaqstan chempıony atandy. Bul týraly qalalyq mádenıet jáne sport basqarmasyna silteme jasap QazAqparat habarlaıdy.
Elordalyq №10 Mamandandyrylǵan balalar-jasóspirimder sport mektebiniń (№10 MBJSM) shákirtteri qorytyndy kezeńde eshkimge ese jibermeı, altynǵa qol jetkizdi. Óskemendik «Torpedo» kúmis medalmen ekinshi orynǵa turaqtady. Al, «Barys-2005» komandasy shaıbaly hokkeıden el chempıonatynyń qola júldesine ıe boldy. Osy jeńistiń arqasynda №10 MBJSM elimizdegi úzdik hokkeı mektebi atandy.
Aıta keteıik, 2018/2019 maýsymda №10 MBJSM hokkeıshileri 28 kezdesý ótkizdi, onyń ishinde bir ret qana jeńilis tapqan. Komanda 75 upaı jınap, 188 shaıbany qarsylasynyń qaqpasyna dóp tıgizgen.
Sonymen qatar, Nur-Sultan qalasynyń sportshylary da úzdikter qatarynan tabyldy. Shabýylshylar ishinde elordalyq komanda kapıtany Temirlan Kıtarov kósh bastady. Onyń enshisinde gol+pas júıesi boıynsha 58 (25+33) upaı. Al, qorǵaýshylar arasynda №10 MBJSM ókili Dmıtrıı Breýs 49 (24+25) upaımen birinshi oryn aldy.
Aıta keteıik, Nur-Sultan qalasy ákimdiginiń hokkeı mektebi 2014/2015 maýsymda da úzdik atanǵan bolatyn.
