Elordalyq gaz satýshylardyń ózara kelisip baǵa belgileý faktisi tirkeldi – departament

NUR-SULTAN. QazAqparat – Elordada gaz satýshylardyń ózara kelisip, baǵa belgileý faktisi tirkelgen. Osyǵan baılanysty QR Básekelestikti qorǵaý jáne damytý agenttiginiń Nur-Sultan qalasy boıynsha departamenti tıisti shara qabyldaǵaly otyr, dep habarlaıdy QazAqparat tilshisi.

«Elordada birqatar dıstrıbıýtor ballon jáne avtokólik gazyn uzaq ýaqyt boıy birdeı baǵamen satyp kelgen. Bul áreket naryq sýbektileriniń QR Kásipkerlik Kodeksiniń 170-babynyń 1-tarmaǵynyń 1-tarmaqshasyna (baǵalardy belgileý jáne (nemese) ustap turý boıynsha básekege qarsy kelisilgen áreket) qaıshy keledi. Osyǵan baılanysty QR Básekelestikti qorǵaý jáne damytý agenttiginiń Nur-Sultan qalasy boıynsha departamenti atalǵan sýbektilerge zańnama tártibin buzý faktileriniń aldyn alý maqsatynda habarlama jiberdi», - delingen departamenttiń habarlamasynda.

Habarlamalar naryq sýbektileriniń qaraý satysynda tur. Gazǵa negizdelgen básekege qabiletti bólshektik saýda baǵasy 30 kún ishinde belgilenýi kerek. Ony eskermegen jaǵdaıda departament tergep-tekserý jumysyn júrgizedi.