Elordalyq fılarmonııanyń ónerpazdary aq halatty abzal jandarǵa án arnady
NUR-SULTAN. QazAqparat – Nur-Sultan qalasy ákimdigi memlekettik akademııalyq fılarmonııasynyń ártisteri aq halatty abzal jandarǵa arnap «Dárigerler» atty án shyǵardy, dep habarlaıdy QazAqparat tilshisi.
«Qazaqstandyq dárigerler koronovırýspen aldyńǵy qatarda kúresýde ýaqytyn ózine nemese jaqyndaryna emes, naýqastarǵa arnaı otyryp, úlken erlik pen batyldyq tanytty. Jańa ánniń mátinin Qýat Ejembek, mýzykasyn mádenıet qaıratkeri, «Qorqyt» etno ansambliniń kórkemdik jetekshisi Sholpan Qorǵanbek jazdy. Qýat Ejembek osy shyǵarmashylyǵy arqyly naýqastar palatasynda uıqysyz túnder ótkizip, aýyr aýyrtpalyqty kúni-túni aıanbaı kóterip júrgen jandarǵa rızashylyǵy men alǵysyn bildirdi. Sholpan Qorǵanbek oqıǵaǵa baılanysty emotsııasyn mýzykaǵa aınaldyrdy», - dep habarlaıdy fılarmonııanyń baspasóz qyzmetinen.
Ánde dárigerlerdiń batyldyǵy, olardyń erlikteri jáne qazaqstandyqtardyń bul synaqtan ótip, ózderine qundy sabaq beretini týraly aıtylady.
«Dárigerler» ánin jazýǵa Qazaqstannyń jáne Tatarstannyń halyq ártisi, QR Memlekettik syılyǵynyń laýreaty Nurjamal Úsenbaeva, QR eńbek sińirgen qaıratkeri Altynaı Jorabaeva, Mádenıet qaıratkerleri Estaı Muqashev, halyqaralyq baıqaýlardyń laýreaty Aqbota Qusnadın atsalysty.
«Elordalyq fılarmonııa ujymy qazaqstandyq dárigerlerge alǵysyn bildirip, olarǵa zor densaýlyq jáne kúsh-jiger men erlik tileıdi!» - dep sálem joldady dárigerlerge fılarmonııa ujymy.
