Elordalyq etnomádenı birlestikterdiń ashyq esik kúnderi ótip jatyr

ASTANA. QazAqparat - Búgin Astanada Beıbitshilik jáne kelisim saraıynda Qazaqstan halqy Assambleıasynyń 20 jyldyǵyna arnalǵan etnomádenı birlestikterdiń ashyq esik kúnderi bastaldy, dep habarlady Astana qalasy ákimdiginiń baspasóz qyzmetinen.

1-7 naýryz aralyǵynda ótetin sharany qalalyq Qazaqstan halqy Assambleıasy uıymdastyryp otyr. Shara aıasynda barlyq turǵyndar men qala qonaqtary túrli ulttar men ulystardyń mádenıetimen jete tanysa alady. Búgingi sharanyń qonaqtary úshin tanymdyq ekskýrsııa ótkizildi, birlestikterdiń ókilderi óz ortalyqtarynyń qyzmeti týraly baıandady. Sonymen qatar, qatysýshylar halyqtyq buıymdar kórmesin tamashalap, ulttyq taǵamdardan da dám tata aldy. Kontserttik baǵdarlamaǵa sheshen-ıngýsh, nemis, polıak, káris, ózbek, bashqurt-tatar etnobirlestikteriniń shyǵarmashylyq ujymdary qatysyp, kórermenderdi óz ónerlerimen tánti etti. «Bıyl bárimiz osy biregeı ınstıtýttyń 20 jyldyǵyn atap ótýdemiz, sonyń aıasynda qalalyq etnomádenı birlestikter jyl boıy bir shańyraqtyń astynda turyp jatqan ulttar men ulystardyń tatý-tátti ómirlerin nasıhattap, elimizdiń gúldenýine óz úlesterin qospaq». Lázzat Qusaıynovanyń aıtýynsha, Astana qalasynda ózge ult ókilderiniń sany jyl saıyn ulǵaıyp keledi. Olardyń basym bóligi - óz ultyn súıetin jastar", - dedi Astana qalasy Qazaqstan halqy Assambleıasy hatshylyǵynyń meńgerýshisi Lázzat Qusaıynova.