Elordalyq eriktiler aýyzashar qorjynyn jetkizýge tartylady
«Nur-Sultan qalasy «qyzyl» aımaqta bolǵandyqtan, osyǵan qatysty erejelerdi aıtyp keteıin. Bes ýaqyt namaz tek jekelegen túrde oqylady. ıAǵnı, jamaǵatpen namaz oqylmaıdy. Meshittiń esikteri ashyq. Árbir meshitke kelýshi jeke qulshylyq ete alady. Qasyndaǵy adammen ara qashyqtyq mindetti túrde 2 metr bolýy kerek. Buǵan biz jiti mán berýimiz kerek. Namaz oqıtyn zaldarda ımamdar, namazǵa kelýshi adamdardyń bári mindetti túrde maska taǵýy qajet. Maska taǵý bizde kún tártibinen qalmaıtyn másele qazir», - dedi ımam.
Ol, sondaı-aq aýyzashar qorjyndaryn taratý isi ákimdikpen birlesip uıymdastyrylatynyn málim etti.
«Oraza ustaǵan adamdarǵa múmkindiginshe aýyzashar qorjynyn uıymdastyryp berýimiz kerek. QMDB-niń osyndaı nusqaýy bar. Biz bul iste ákimdikpen birge qalamyzdaǵy eriktiler men meshit jamaǵatyn tarta otyryp, arnaıy aýyzashar qorapshalaryn jetkizetin bolamyz.
Namaz oqyp bolǵannan keıin biz kelýshilerge meshitten tezirek shyǵýǵa ótinish jasaımyz. Jasy úlken qarııalardyń, jas balalardyń meshitte emes, úıde qulshylyq jasaýyna keńes beremiz. Bir eskertetin jaǵdaı, Taraýyq namaz jamaǵatpen oqylmaıdy», - dedi astananyń bas ımamy.
Buǵan deıin habarlaǵanymyzdaı, Janna Pralıeva elordada koronavırýs juqtyrǵandar bir aptada 12 paıyzǵa óskenin málim etti.
Mamandardyń aıtýynsha , oraza ustaǵan elordalyqtar da vaktsına ala alady.
