Elordalyq emhanalardyń biri halyqaralyq standartqa sáıkestigi týraly sertıfıkat aldy
ASTANA. 29 qazan. QazAqparat - №8 qalalyq emhanaǵa ISO 9001:2008 halyqaralyq standartyna sáıkestigi týraly sertıfıkat saltanatty túrde tabys etildi. Bul týraly Densaýlyq saqtaý basqarmasyna silteme jasap astana.kz habarlady.
2013 jyl №8 emhana úshin sapa menedjmenti júıesin úzdiksiz jetildirý jyly boldy. Daıyndyq barysynda kóptegen qujat qaıta qaralyp, sapa menedjmenti júıesiniń halyqaralyq standarttaryna sáıkestendirildi.
Aıta keteıik, sertıfıkattaý aýdıtin táýelsiz aýdıtorlyq qyzmetter kórsetetin álemniń jetekshi kompanııalarynyń biri TÜV Rheinland Group (TıÝF Reınland Grýpp) (Germanııa, Keln qalasy) júrgizdi. Qazirgi ýaqytta álemniń 61 memleketinde kompanııanyń 500-ge jýyq ókildigi bar. Qazaqstan Respýblıkasyndaǵy resmı ókildigi 2009 jyldan bastap jumys istep keledi.
