Elordalyq emhanalarda UOS ardagerlerine keshendi kómek kórsetiledi (FOTO)

ASTANA. QazAqparat - Uly Otan soǵysyndaǵy Jeńistiń 70 jyldyǵyna oraı Astana qalasynyń №4 emhanasynda ardagerlerdiń qurmetine teatrlandyrylǵan kórinis ótti, dep habarlaıdy elorda ákimdiginiń resmı saıty.

Atalmysh merekege Astana qalasy máslıhatynyń depýtattary, qalalyq Ardagerler keńesiniń ókilderi, «Astana Opera», «Jastar» teatrlarynyń ártisteri, №56 mektep oqýshylary qatysty. Baǵdarlama aıasynda ardagerlerge syılyqtar berilip, «ATF banki» ujymy qaıyrymdylyq sharasyn ótkizdi. Shara barysynda soǵys jyldaryndaǵy ánder shyrqaldy.

UOS Jeńistiń 70 jyldyǵyna oraı qalalyq emhanalardyń úzdik mamandary, sonyń ishinde kardıolog, nevropatolog, oftalmolog, otolarıngolog, sýrdolog, hırýrg, endokrınolog, ýrolog mamandar ardagerlerdiń densaýlyǵyn tekserdi, ÝDZ men EKG jasaldy.

Emhanaǵa Uly Otan soǵysynyń 200 astam ardageri tirkelgen. Jalpy, 25 mamandyq boıynsha beıindi mamandar klınıkalyq-dıagnostıkalyq kómek usynady.