Elordalyq emhanalarda onkologııalyq aýrýlardyń aldyn alý onkúndigi aıasynda ashyq esik kúnderi ótýde
ASTANA. QazAqparat - 3-12 aqpanda Astana emhanalarynda Dúnıejúzilik qaterli isikke qarsy kúres kúnine oraı onkologııalyq aýrýlardyń aldyn alýǵa jáne erte anyqtaýǵa arnalǵan onkúndik aıasynda ashyq esik kúnderi ótedi. Bul týraly astana.kz saıtyna Salaýatty ómir saltyn qalyptastyrý ortalyǵynan habarlady.
Ashyq esik kúnderi aıasynda emhanalarda mammolog jáne onkolog mamandar konsýltatsııalar beredi, sonymen qatar, elorda turǵyndary onkodıspanser mamandarynyń keńesin ala alady. Budan basqa, adadamdar skrınıngten ótip, mamandarǵa ózderin mazalaǵan suraqtaryn qoıady. Qaterli isik qazirgi zamannyń jahandy problemasy bolyp tur - Qazaqstanda jyl saıyn onkologııalyq aýrýlardan 17 myń adam kóz jumady, sonyń ishinde 42% eńbekke qabiletti jastaǵy tulǵalar, sondaı-aq, elimizde qaterli isik aýrýynan ólý halyqtyń ólimi qurylymynda ekinshi orynǵa ıe. 2013 jyly Astanada qaterli isikke shaldyǵý oqıǵalary 100 myń adamǵa shaqqanda 172,6, al odan ólý kórsetkishi 100 myń adamǵa shaqqanda 81,1 qurady. Aıta keteıik, elordada 2013 jyldyń qorytyndysy boıynsha naýqastardyń basym bóligi sút beziniń qaterli isigine, ókpe qaterli isigine, asqazan qaterli isigine jáne teri qaterli isigine shaldyqqan.
