Elordalyq emhanalarda qan tapsyrý aktsııasy ótti
ASTANA. 20 qańtar. QazAqparat - №9 qalalyq emhanada ústimizdegi jyly alǵash ret Donor kúni bolyp ótti.
Bul týraly astana.kz saıtyna qalalyq Densaýlyq saqtaý basqarmasynan habarlady. Atalǵan is-sharaǵa qan quıylýyna muqtaj patsıentterdiń taǵdyryna nemquraıly qaramaǵan 17 adam qatysty.
«Aktsııany ótkizýdegi negizgi mindet - basqa adamdardyń ómirine arasha bolý úshin qoǵamdy únemi jáne aqysyz túrde qan donory bolýǵa shaqyrý. Bul ózekti máselelerdiń biri, ıaǵnı únemi jáne óz erkimen qan tapsyra otyryp, basqalardyń ómirin qutqarýǵa neǵurlym kóp adamdy jumyldyrý jaıyn qozǵaıdy»,- dep habarlady vedomstvodan.
Basqarmanyń habarlaýynsha, Astanada osy sııaqty aktsııalar turaqty túrde ótkiziledi.
Aıta keteıik, jyl saıyn Qazaqstanda 200 myń lıtr kontsentratsııalanǵan qan, 80 myń lıtr plazma, 60 myń lıtr quramynda erıtrotsıtteri bar orta jáne 18 myńǵa jýyq trombokontsentrat ázirlenedi.
