Elordalyq emhanalarda bahıla taratý toqtatyldy
ASTANA. QazAqparat - «Astana - adaldyq alańy» jobasyn iske asyrý sheńberinde medıtsınalyq mekemelerde bahıla taratý toqtatyldy, dep habarlaıdy Astana qalasy ákimdiginiń resmı saıty.
Qoǵamdyq densaýlyq saqtaý basqarma basshysy Qamaljan Nadyrovtyń aıtýynsha, emdelýshiler dárigerlerdiń bahıla kııý kerek degen eskertpesine jıi aryzdanǵan.
«Biz ózimizdiń qyzmet alýshylarymyzǵa «Neni ózgertkińiz keledi» degen suraq qoıdyq jáne jaýap aldyq. Saýalnamaǵa 500-den astam adam qatysqan. Keıbireýler emhanalarda ishetin aýyz sý bolǵanyn qalaıdy, keıbiri medortalyqtarǵa kelgende bahıla satyp alǵyzatynyn, bireýlerge ilinip turǵan aqparattar túsiniksiz ekendigi aıtyldy. Biz barlyq aryzdy jınap aldyq ta sheshýge tyrystyq. Joba ázirge aıaqtalmady, degenmen qazirdiń ózinde bizdiń medortalyqtarda oń ózgerister bar», - dedi Q.Nadyrov.
Aıta keteıik, aıtylǵan mindetterdi júzege asyrý medıtsınalyq qyzmetterdiń qoljetimdiligi men sapasyn arttyrýǵa kómektesedi.
