Elordalyq eki jasóspirimnen AITV anyqtaldy
ASTANA. QazAqparat – Astanalyq 2 jasóspirimnen AITV ınfektsııasy anyqtaldy. Bul týraly Astana qalasynyń bas memlekettik sanıtarlyq dárigeri Sarqyt Beısenova málim etti, dep habarlaıdy QazAqparat tilshisi.
«Astanada 6 aıdyń qorytyndysy boıynsha statıstıkaǵa sáıkes 206 AITV ınfektsııasy anyqtaldy. Onyń ekeýi jasóspirim», - dedi Sarqyt Beısenova qalalyq kommýnıkatsııalar qyzmeti alańynda ótken baspasóz máslıhatynda.
Eske salaıyq, bıyl naýryzda jyl saıyn 3 myńnan astam qazaqstandyq AITV ınfektsııasyn juqtyratyny týraly resmı aqparatpen bólisken edik.
Aıta ketsek, búgin elordada qaladaǵy epıdemıologııalyq-sanıtarlyq jaǵdaı tanystyryldy. Brıfıng barysynda belgili bolǵandaı, qalaǵa birneshe elden kelgen azamattardan qyzylsha anyqtaldy.
Sondaı-aq Astanada A gepatıtiniń taraýy 88% artqany aıtyldy.
