Elordalyq eki myńnan astam bala «Mektepke jol» aktsııasy aıasynda kómek alady
NUR-SULTAN. QazAqparat - «Mektepke jol» qaıyrymdylyq aktsııasy aıasynda qala ákimdigi 2255 balaǵa kómek kórsetedi, dep habarlaıdy elorda ákimdiginiń mekemeniń resmı saıty.
Aktsııa jalpyǵa mindetti bilim berý qorynyń quramyna kirmeıtin, biraq muqtaj bolyp tabylatyn az qamtylǵan, kópbalaly jáne jaǵdaıy nashar otbasylardan shyqqan balalarǵa, jetim balalar men ata-analarynyń qamqorlyǵysyz qalǵan balalarǵa áleýmettik qoldaý kórsetýge baǵyttalǵan.
Aktsııa aıasynda «Esil» aýdanynan - 400, Baıqońyr aýdanynan – 600, Almaty aýdanynan – 672, Saryarqa aýdanynan – 463 oqýshy kómek alady. Taǵy 100 bala qalalyq bilim basqarmasynyń qoldaý sharalarymen qamtylady.
Aktsııaǵa qatysýshylarǵa otandyq óndirýshilerdiń mektep formasy jáne qajetti oqý quraldary beriledi.
Osylaısha, oqýshylarǵa beriletin mektep formasynyń ortasha baǵasy - 30 000 teńge. Uldarǵa arnalǵan pıdjak, shalbar, jeıde - 22000 teńge jáne aıaq kıim - 8000 teńge; qyzdarǵa - pıdjak nemese kúrte, beldemshe, jeıde, polo - 22000 teńge jáne aıaq kıim - 8000 teńge.
