Elordalyq eki azamat esirtki satqany úshin quryqtaldy

«Qarasora – 2023» jedel aldyn alý is-sharasyn ótkizý barysynda Astana qalasy PD uıymdasqan qylmysqa qarsy kúres basqarmasynyń qyzmetkerleri esirtki satty degen kúdikpen eki azamatty anyqtady, dep habarlaıdy QazAqparat Polisia.kz-ke silteme jasap.

Olardyń jaldamaly páterinen kannabıs shaıyry jáne marıhýana esirtki zattarynyń úlken partııasy tabylyp, tárkilendi. Tárkilengen esirtki quraldarynyń jalpy salmaǵy eki jarym keliden asady.

Sonymen qatar, ol jerden standartty qurylǵylar da tárkilendi: elektrondy tarazylar, skotch, ızolentalar, polıetılen paketter, markerler.

Atalǵan fakti boıynsha saraptamalar, onyń ishinde sot-hımııalyq saraptama taǵaıyndaldy. Esirtki quraldaryn satý faktisi boıynsha QR QK-niń 297-baby 3-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha qylmystyq is qozǵaldy. Qylmysqa qatysy bar 30 jáne 22 jastaǵy er adamdar Astana qalasynyń PD ýaqytsha ustaý ızolıatoryna qamaldy.

Elorda aýmaǵynda esirtkini jetkizýge jáne ótkizýge qatysy bar basqa da tulǵalar anyqtalyp jatyr.