Elordalyq doıbyshylar Azııa chempıonatynda 9 medal ıelendi
ASTANA. QazAqparat - Tashkent qalasynda doıbydan ótken Azııa chempıonatynda elordalyq órender 9 medaldi qanjyǵaǵa baılady, dep habarlady www.24.kz.
Osylaısha sportshylar qorjynǵa 4 altyn, 5 kúmis júlde saldy. 11 jasqa deıingi doıbyshylar arasynda Aıbek Naralıev aldyna jan salmady. Jarystyń rapıd, blıts, klassıka kezeńderinde oq boıy oza shaýyp, úsh altyn medal ıelendi. Baıraqty básekede el quramasy komandalyq esepte 2-orynǵa taban tiredi.
« Negizgi jarysymyz - qarasha aıynda ótetin álem chempıonaty. Gollandııada bolýy kerek, soǵan daıyndalamyz», dedi aǵa jattyqtyrýshy Ǵalymjan Sársekeev.
