Elordalyq departament balyqshylardy qaýipsizdik talaptaryn saqtaýǵa shaqyrdy
«Muzdy oıyp, balyq aýlaý kezinde siz shekteýli aımaqta kóptegen uńǵyma jasap, úlken toptarǵa jınala almaısyz. Aıaq astyndaǵy muz opyrylǵan jaǵdaıda tez ári batyl áreket etý kerek. Qoldy keń jaıyp, muz betinde ustap, qatty muzdyń betine shyǵýǵa tyrysý qajet. Sodan keıin arqada nemese keýdede jatyp, kelgen izińe qaraı jyljý kerek. Bul áreketter kezinde kómekke shaqyrýdy umytpaǵan jón», - dedi E. Baıyrov elora ákimdiginiń baspasóz ortalyǵynda.
Budan buryn habarlanǵandaı, brıfıng kezinde muz ústindegi qaýipsizdik erejeleri túsindirildi.
Sonymen qatar Esen Baıyrov qaı kezden bastap ózendegi muz ústinde konkı tebýge bolatynyn aıtty.
«Sý aıdyndarynda konkımen syrǵanaý alańdaryn paıdalanýǵa muzdyń beriktigin muqııat teksergennen keıin ruqsat etiledi. Onyń qalyńdyǵy keminde 12 sm, al jappaı syrǵanaý kezinde keminde 25 sm bolýy tıis», - dedi ol.